امتحان الثانوية العامة اضحك معانا
امتحان اللغة العربية للثانوية العامة عام 2060
...........
ده كده بالصلاة على النبي امتحان مصر في اللغة العربية لعام 2060
تم التسريب والتسرسب إن شاء الله .
ربنا يعينكم على الإجابة الصحيحة في السليم الأليم
======== بيانات الامتحان ====
وزارة هنديك بالشبشب
امتحان اللغة العربية
إن شاء الله هنشوفك السنة الجاية يا باشا
وقت الإجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار أو الوفاة )) : أول ناصية على إيدك اليمين
تليفون المنزل : اتنين صفر و أربعه خضر =====================
هذا الامتحان برعاية بيبسى
دلوقتي .. بيبسي الصاروخ بجنيه واحد بس ...
هتفضل تغلى لغاية ما تبطلها (( وراك وراك )) ===========================
ملاحظة:
أجب عن الأسئلة التعجيزية التالية
و عددها ( 6 ) إجباري و ( 1 ) اختياري
على أن يكون مجموع الأسئلة (7).
ملاحظة: عجلة الجاذبية 9.8 ( في حالة إنك حبيت تنط من الشباك ) يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة علشان يديك يا حلو ))
===========================
السؤال الأول (20 درجة ) ===========================
قال ريكو في أغنية (( خلي الشعب يعيش )) ما يلي:
راحت عليك الدنيا : وراح زمن الشهادات
و بقيتي يا دنيا ماشية : عالسقفة وعالصاجات
دنيا مفيهاش راحة: تفضل على طول مرتاحة
خليك ماشي بشويش : خلي الشعب يعيش ===========================
الأسئلة :
===========================
1- اشرح الأبيات الأربعة الأخيرة من النص بما لا يقل عن 190 سطرا باختصار شديد (9 درجات )
2- لماذا أكد الشاعر على القصد الشريف والنية الصادقة ، و علام يدل قوله (( خليك ماشي بشويش )) ؟ (3 درجات )
3- استخرج من البيت الأول محسن إبراهيم و محسن إسماعيل مبيناً نوع كل محسن منهما . (3 درجات )
4- استخرج من البيت الثالث صورتين فوريتين مبينا نوع الكاميرا (3 درجات )
========================================
مساحة خالية للإعلان- ت : واحد اتنين .. الجيش العربي فين ===========================
السؤال الثاني ( 8 درجات ) ===========================
أعط أسباب ما يلي مع الشرح الوافي :
(( يا عم كبر يا عم بص .. ده حتى بص ده الواد بيلظ )) ========================
1- تم نقل السوق المالي إلى سوق السمك ؟ (2 درجات )
2- إقبال الناس على شراء نوكيا 9990 و عدم شراء نوكيا 9900 ؟ (2 درجة )
3- إغلاق شبكة الأخبار Pnn بعد زواج شارون ستون ؟ (2 درجة )
4- أسباب اندلاع الحرب بين ..... ما فيش فرق، اختر أي حرب، ماهو إنت هتعيد كده كده ؟ (2 درجة )
===========================
أخي الممتحن اقلب الصفحة: والله العظيم لتندم ع الساعة اللي دخلت فيها المدرسة وبإذن الله هتحرق أبو اليوم اللي شفت فيه وش التعليم
===========================
السؤال الثالث – اختياري- (5 درجات )
اكتب الاسم المستوفى من السؤال
- ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
ملاحظة ( ورد ذكر اسم هذا الرجل في أكثر من مسلسل تليفزيوني )؟ (5 درجات )
===========================
فاصل إعلاني:
غمض عين فتح عين ... اشتري بيتزا تاخد اتنين
(( هذا العرض ساري حتى نهاية الوقت المحدد للامتحان ))
===========================
السؤال الرابع (8 درجات ) ===========================
ورد في قناة روتانا فيديو كليب " ليل مع نهار " للمخرج كاميرون بالتوف و غناء عمرو دياب :
" احكيلك ايه خلاص ما انت شايف من غير ما اقول
اكيد انت عارف كلام كتير انا نفسي اقوله و كلام كتير
يا ريتك تقوله : هو الامتحان صعب للدرجة دي
مش عايز تقول كده برضه ولا إيه؟"
على العموم ميهمناش اللي انت عايز تقوله
اللي يهمنا اللي هو عايز يقوله حتشوف في السؤال دلوقتي حالا يا ريس
===========================
الأسئلة : ======================
1- ماذا كان يريد أن يقول عمرو دياب بقوله ( كلام كتير نفسي أقوله ؟ ترى ما هو هذا الكلام ؟ (4 درجات )
2- ما نوع الكنبة اللي كان قاعد عليها عمرو في هذه الأغنية , و ما اسم عامل السفنج في المصنع اللي عمل المرتبة اللي على الكنبة ( مع التوضيح لاسم المصنع ونوع خامة الاسفنج , وذكر اسم السيارة التي نقلت المراتب من المصنع , و لاتنسى رقم الوردية والتشغيلة مع ذكر اليوم والتاريخ ) ؟ (2 درجة
3- ما اسم صبي الخياط اللي خيط البنطلون بتاع الموسيقار اللي كان مع عمرو في هذا الكليب ؟ (2 درجة ) ===========================
السؤال الخامس (20 درجة ) ===========================
موضوع تعبير قال الشاعر :
" حسن زعبولا .. ماشي بيتسلى .. لابس البدله ...محندق الجاكيته و بيتعايق بالقلة "
اكتب نبذه عن حياة أبو حسن زعبولا (( الحاج زعبولا )) و اذكر 3 أسباب من أسباب انفصال الحاج زعبولا عن هندامة (( زوجته الأولى )) موضحا موقف أولاد زعبولا بعد الانفصال واحدا واحدا علما بأن عددهم 513 (20 درجة)
===========================
مصيبة كولا المشروب الرسمي لهذا الامتحان
سك على كل المشاريب اللي هنا
متقوليش متقوليش .. مصيبة كولا غيرها مفيش
===========================
أخي الممتحن اقلب الصفحة أحسن لك (( أصلك مش عارف اللي فيها )) سنتك سوده بإذن الله
=========================
== السؤال السادس ( 19 درجة )
===========================
أجب عن أربعة فقط من الأسئلة التالية ===========================
1- ما رأيك بتصرفات " هينج سيمان " و " لانتاز كوبر " في مسلسل الضوء الشارد ؟ (5درجات )
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف " مستر تايجر" من "حسن سعيد " في مسلسل الحقيقة و السراب ؟ (5 درجات )
3- من برأيك أقوى وأفضل بوكيمون - هل هو – بيكاتشو ؟؟؟ وفي حالة الإجابة بنعم أو بلا يشترط ذكر الأسباب باختصار شديد فيما لا يقل عن 790 سببا (5 درجات)
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد في كأس العالم الأخيرة في بنى سويف سنة 2040. ؟ (4 درجات)
========================================
عرض موبينيل الجديد من سمعان أبو رنه
، اشتري كارت بـ 530 جنيه و احصل على نص جنيه في الرصيد مجاناً
===========================
سؤال المساعدة ( لرفع رصيدك من الدرجات ) ( 20 درجة)
و ملهوش لازمة أساسا انت كده كده هتسقط وهتعيد لكن ياللا مش مشكلة نرفع من روحك المعنوية
=========================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية ؟
ب – اذكر أسماء زوجات 500 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن عمياء مع ذكر أسماء أزواجهن وبيان بعدد الأولاد من كل زوج ===========================
انتهت الأسئلة و نلقاكم في امتحان الدور الثاني
إن شاء الله ربنا يعينكم
مع تحيات إدارة الشياطين الحمر
...................
منقول
