محمد الرضى سالم حكمدار

رحلة جنقاوى

بعد ان تاخذ الغرض من الصائغ تذهب الى السوق وتشترى مستلزمات الخلاء(المنجم) يعنى تمشى تشترى كوجتك(المواد الغذائية التى تحتاجها) وتشترى المعدات التى تحتاجها فى عملية التعدين والتنقيب.

1- المواد الغذائية( الكوجة ) وتشمل فى الغالب:

دقيق سيقا(علشان القراصة يا عمك) - دقيق الدخن(علشان ود الامين(العصيدة)) - مكرونة - شعيرية - لبن - شاى -سكر - بن - بلح - ويكة - عدس - ملح.

2-المعدات والادوات وتشمل:

ا - مشمع او خيمة ولكن غالبا مشمع لان ثمنة رخيص واستداماتة اكتر ، اذا كان الشخ واحد بياخد مشمع واحد واذا كانو مجموعة بياخدو مشمعين الى ثلاث مشمعات - شواكيش (راجمة - مساعد راجمة - شواكيش ردخ)- عجن -كوريك - فير (ابو راسين) - حبال حسن عدس - شوالات سكر فاضية علشان يكبو فيها الحجر- بكرات سولفان -صحن نسبة.

ب - عدة منزلية علشان الطهى (حلل - صحانى - كبابى شاى(ام خرص او زجاج) -دوكة(صاج) - براد - كورة - كوز

              (رحلىة جنقاوى)2

مسميات جنقاوية :

جنقاوى = وهى مفرد كلمة جنقو وهو المعدن العشوائى الباحث عن الدهب

الصائغ= هو الصائغ العادى ولكن الفرق هنا انة يشترى الدهب الخام من جنقو ويبيعة الى جه اخرى وهى عمارة الدهب

2011-2013

قد تكون ثلاث سنوات قصيرة بالنسبة الى اى شخص ولكن بالنسبة الى كانت رحلة طويلة وحافلة بالاحداث والتجارب التى على ما اعتقد لم احظى بها على مدار سنوات عمرى الثلاثين(اذا استثنينا عقد الطفولة 10 سنوات الاولى يعنى على مدار عقدين من الزمن لم تكن حياتى حافلة بالاحداث والحل والترحال مثلماكانت هذة السنوات)

(رحلة جنقاوى)

جنقو هو الاسم الذى يطلق على الذين يشتقلون فى التعدين العشوائى فى السودان او مايسمى بالدهابة وهى من المهن الرائجة فى السودان الان وهى بالمناسبة ليست حكرا على الاميين اوذوى التعليم المتوسط بل اصبحت ومهنة شريحة كبيرة من الخريجين كذلك لانه لايوجد بها واسطة ولا تكسير تلج ولاشهادات خبرة ولا تزكية اقلها من رئيس جمهورية ولا بطيخ ى ما بيحصل الان مع الخريجين فى الوقت الراهن(يعنى الخبرة الخريج حيلقاها وين اذا ما شغلتو واهلتو) عموما الذى يلزم هو الامانة التامة مع نفسك اولا ومع الصائغ ثانيا(الصائغ هو الشخص الذى يكون عنده محل ثابت فى المدينة التى تكون غالبا قريبة من المنجم وهو الذى يشترى من المنقبين ويبيع الى اما الى صائغ اكبراو يبيع الى العمارة مباشرة (عمارة الذهب)

اى الصائغ هنا هو البنك اى هو الذى يقوم بتمويل المنقبيين بضمان ان يبيعو اليه ما وجدو من ذهب اى علاقة تكافلية ولكن عموده الفقرى هو الثقة المتبادة بين الصائغ والجنقاوى .

يقوم الصائغ باقراض المنقبين المال (يعنى زى ما بتقدم دراسة جدوى لى بنك كدا علشان تاخد قرض برضو الجنقاوى هنا بيعمل دراسة اولية لى منصرفاتة واحتياجاتو كلها البيحتاجة خلال الفترة التى يقضيها فى الخلاء(المنجم) وبيقدما الى الصائغ الذى يقوم باقراضة المال.

الفرق الوحيد هنا هو انو البنك (الصائغ) ما بيطلب منك الا انو لما تجى تبيع الذهب الجبتو ليهو هو وما تمشى تبيعو لى صائغ تانى.

كل عام وانتم بخير بمناسبة عيد الفطر المبارك

اعادة الله علينا بالخير واليمن والبركات