رسالة من المرحوم محمد علاء مبارك لعائلته بعد ثورة 25 يناير
ازيك يامامي وحشتيني قوي انتي وبابي واخويا الصغير
وجدو وتيتة وعمو جمال وكل اصحابي .
مصر كلها وحشتني
يامامي يوم 25 يناير صحابي في الجنة نادولي
وقالولي تعالي بسرعة يامحمد في ناس من بلدك دخلو الجنة
قولتلهم مصريين!
قالو ايوة دول شهداء كمان يامحمد...
جريت بسرعه معاهم اشوف الشهداء اللي من بلدي واسلم عليهم وافتخر بيهم
وكل يوم بيجي شهداء تانيين ولما كثرو قوي يامامي وزادوا ووصلوا اكتر من 300 شهيد
قلت لصحابي وانا فرحان
عارفين دا اكيد جدو بيقود مصر في حرب تانية علي اسرائيل او اعداء تانيين
روحت يامامي وقعدت معاهم علشان يحكولي عن جدو القائد
واللي بيعملة واسمع بطولاتهم
ولما سألتهم هي مصر بتحارب مين وانتو استشهدتوا ازاي وفين ؟؟؟؟
وجدو كرمكم قبل ماتيجوا الجنة !!! بصوا لبعض ومحدش رد !!!
سألت تاني ردوا عليا مين قتلكوا ؟؟؟؟؟
واتقتلتوا برصاص اسرائيل ولا مين ؟؟؟؟؟
وجدو عمل اية في اللي قتالكوا!
ولما بكيت لاول مرة لان الجنة مافيهاش حزين
قالولي لا مش اسرائيل
دة رصاص مصري يامحمد حراس جدك يامحمد هما اللي قتلونا
لقتني مش فاهم حاجة
صرخت وقلت مش عاوز اسمع حاجة
وجريت ورحت قعدت لوحدي
لكن الشهداء جم وقالولي متبكيش يامحمد انت ملكش ذنب
وخدوني في حضنهم وطبطبوا عليا
حسيت بدفا حضنك يامامي وهما بيضموني في صدرهم
رفعت راسي وقلتلهم انتو طيبين قوي...
قالولي مش احنا بس اللي طيبين دة كل المصرين طيبين
يامامي انا مش هاسأل حصل اية ولا عاوز اسمع حاجة
لكن قولي لجدو انا مش اغلي من اي واحد منهم عند مامتة
وزي ماحسيتي يوم ما انا مت اوصفيلة كل ام حاسة بأية دلوقت
وقوليلة انتي لاني انا مخاصمة....
ازاي هان علية كل الناس دي ومعملش حاجة للي قتلهم
قوليلة لازم يبرد قلوب الامهات والابهات
دا الابن غالي وانتي عارفة يامامي ويابابي
قولو لجدو انة خلاص مبقاش ينفع يبقي رئيسها بعد اللي حصل
جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرله
وقبل ما اخلص كلام يامامي اهم حاجة والكلام دة لبابي وعمو جمال وجدو
قبل ماتسبوها لولادها يديروها
اوعي يكون يابابي في مالك انت وعمو جمال وجدو حق لمصر وللمصرين وخدتة
اوعو يابابي....
انا بحبكو ومقدرش اشوفكوا شايلين ذنب زي دة
اوعوا يابابي مال الشعب الطيب الغلبان الشقيان تاخدوة معاكوا
تصرفوا وتعيشوا منة بقيت حياتكوا .
اوعي يابابي اخويا الصغير ياكل ويعيش ويتربي بمال مش من حقة
وفية مصرين كتير مش لاقيين.
ساعتها تبقي كتبت عليا افارق اخويا دنيا واخرة
لانة لازم يتربي بمال حلال عشان اقابلة يوم في الجنة
وقول لجدو وتيتة وعمو جمال وطنط خديجة ان الجنة حلوة قوي
احلي من اي حاجة ولا اي مليارات مش حلال تستاهل يضحوا بالجنة عشانها
دا ربنا بيسأل عن كل جنية كسبتة ازاي وصرفتة في ايه
والسلام عليكم ياعيلتي اللي بحبها
والسلام تحية اهل الجنة
وجدو وتيتة وعمو جمال وكل اصحابي .
مصر كلها وحشتني
يامامي يوم 25 يناير صحابي في الجنة نادولي
وقالولي تعالي بسرعة يامحمد في ناس من بلدك دخلو الجنة
قولتلهم مصريين!
قالو ايوة دول شهداء كمان يامحمد...
جريت بسرعه معاهم اشوف الشهداء اللي من بلدي واسلم عليهم وافتخر بيهم
وكل يوم بيجي شهداء تانيين ولما كثرو قوي يامامي وزادوا ووصلوا اكتر من 300 شهيد
قلت لصحابي وانا فرحان
عارفين دا اكيد جدو بيقود مصر في حرب تانية علي اسرائيل او اعداء تانيين
روحت يامامي وقعدت معاهم علشان يحكولي عن جدو القائد
واللي بيعملة واسمع بطولاتهم
ولما سألتهم هي مصر بتحارب مين وانتو استشهدتوا ازاي وفين ؟؟؟؟
وجدو كرمكم قبل ماتيجوا الجنة !!! بصوا لبعض ومحدش رد !!!
سألت تاني ردوا عليا مين قتلكوا ؟؟؟؟؟
واتقتلتوا برصاص اسرائيل ولا مين ؟؟؟؟؟
وجدو عمل اية في اللي قتالكوا!
ولما بكيت لاول مرة لان الجنة مافيهاش حزين
قالولي لا مش اسرائيل
دة رصاص مصري يامحمد حراس جدك يامحمد هما اللي قتلونا
لقتني مش فاهم حاجة
صرخت وقلت مش عاوز اسمع حاجة
وجريت ورحت قعدت لوحدي
لكن الشهداء جم وقالولي متبكيش يامحمد انت ملكش ذنب
وخدوني في حضنهم وطبطبوا عليا
حسيت بدفا حضنك يامامي وهما بيضموني في صدرهم
رفعت راسي وقلتلهم انتو طيبين قوي...
قالولي مش احنا بس اللي طيبين دة كل المصرين طيبين
يامامي انا مش هاسأل حصل اية ولا عاوز اسمع حاجة
لكن قولي لجدو انا مش اغلي من اي واحد منهم عند مامتة
وزي ماحسيتي يوم ما انا مت اوصفيلة كل ام حاسة بأية دلوقت
وقوليلة انتي لاني انا مخاصمة....
ازاي هان علية كل الناس دي ومعملش حاجة للي قتلهم
قوليلة لازم يبرد قلوب الامهات والابهات
دا الابن غالي وانتي عارفة يامامي ويابابي
قولو لجدو انة خلاص مبقاش ينفع يبقي رئيسها بعد اللي حصل
جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرله
وقبل ما اخلص كلام يامامي اهم حاجة والكلام دة لبابي وعمو جمال وجدو
قبل ماتسبوها لولادها يديروها
اوعي يكون يابابي في مالك انت وعمو جمال وجدو حق لمصر وللمصرين وخدتة
اوعو يابابي....
انا بحبكو ومقدرش اشوفكوا شايلين ذنب زي دة
اوعوا يابابي مال الشعب الطيب الغلبان الشقيان تاخدوة معاكوا
تصرفوا وتعيشوا منة بقيت حياتكوا .
اوعي يابابي اخويا الصغير ياكل ويعيش ويتربي بمال مش من حقة
وفية مصرين كتير مش لاقيين.
ساعتها تبقي كتبت عليا افارق اخويا دنيا واخرة
لانة لازم يتربي بمال حلال عشان اقابلة يوم في الجنة
وقول لجدو وتيتة وعمو جمال وطنط خديجة ان الجنة حلوة قوي
احلي من اي حاجة ولا اي مليارات مش حلال تستاهل يضحوا بالجنة عشانها
دا ربنا بيسأل عن كل جنية كسبتة ازاي وصرفتة في ايه
والسلام عليكم ياعيلتي اللي بحبها
والسلام تحية اهل الجنة
