النزلة المستجدة

قصة عبدالله من الممكن تفصيلها فى 3 مراحل
(المكان : محافظة أسيوط)

المرحلة الأولى : مرحلة الاختراع و ما قبلها

المرحلة الثانية : مرحلة التكريم

المرحلة الثالثة : مرحلة الاعتقال

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مرحلة الاختراع و ما قبلها :

عبدالله مهووس بحاجة اسمها كمبيوتر من وهو صغير ، بيعمل حاجات متخصصين كثير مايقدروش

يعملوها ، عبقري فعلا بمعني الكلمة

جه فى باله فكرة اختراع نضارة لمرضي الشلل الرباعي ، و بدأ شغل عليها

للي ما يعرفش مصر فيها 9 مليون من ذوي الاحتياجات الخاصة

نفس النضارة دي بتعملها google ولكن بتكلفة 1500 دولار يعني حوالي 10500 مصري

عبدالله كان هيعملها ب 100 جنيه بس ، يعني 1% من تكلفة بتاعة جوجل

مصر القانون بتاعها بينصل على إن من 5 ل 10 % من العاملين فى القطاع العام يكونوا من ذوي الاحتياجات الخاصة ، و لكن القانون لا يطبق لعدم قدرتهم على التعامل بشكل كامل ،

وجهاز عبدالله كان هيساعدهم على التعامل الفعال مع الحاسب الآلي

وكمان عملهم برنامج لوحة كتابة عشان يستعمل مع البرنامج، يعني كان عايز يعمل حاجة متكاملة للطلبة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرحلة التكريم :

عبدالله أخد المركز الأول فى مسابقة انتل لصعيد مصر و المسابقة دي كسب فيها رحلة لتمثيل مصر فى

كاليفورنيا فى مسابقة انتل و دي أكبر مسابقة على مستوى العالم طلاب ثانوي بيحكم فيها علبماء حصلوا

على جايزة نوبل وفيها ممثلين من 60 دولة ، و الرحلة دي المفروض يوم 11 / 5 يعني بعد 15 يوم من

النهاردة إن شاء الله

و المفترض أن وزير التربية والتعليم كان سيكرم عبدالله عاصم صباح الأحد القادم ضمن مجموعة من

الطلاب الى هيمثلوا مصر فى المؤتمر

عبدالله اتكرم من ناس كتير بتحترم العلم، وعشان كده مش بيحترم من الناس الى مش بتحترم العلم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرحلة الاعتقال :

ودي مرحلة القهر و الظلم

عبدالله اتمسك اشتباه فى القاهرة ، بدون سبب

ولما اتمسك اتعمله قضيتين ، واحدة منهم قضية حرق عربية ظابط شرطة

وسبحان الله القضية دي فى نفس الشهر بتاعة توقيت مسابقة intel

وبكده عبدالله مش هيقدر يمثل مصر فى مسابقة intel

و النظارة مش هتلاقي الى يتبناها

ومش من السهل إن حد يوم من الأيام يحاول يبتكر فى مصر

ـــــــــــــــــــــــــــــــــــــــــــــــــــــــــــــــــــــــــــــــــــــــ

عبدالله دلوقت فى قسم ثاني أسيوط ، وممنوع عنه الزيارة

وهيتعرض بكرة على النيابة إن شاء الله

لكل واحد بيحب البلد دي ، لو تقدر تعمل أي حاجة حاول ما تتأخرش