" حروف فوق الماء "
" السلام عليكم ورحمة الله وبركاته "
الحمد للة مستورة وماشية بس مقطورة والأعمى شايف الصورة
الكل بيدفع فى فاتورة للى نهب واللي إرتشى واللى بالأسرار فشي×××××
وسابنى أبات من غير عشا وقالي مات إللى إختشى
صبحت فاصل من الفيشة وشاطر ألعن العيشة
وإللى على راسهم ريشة خلعوا البرقع والبيشة
بفساد يكسر الهمة وخيل بيجرى فى الذمة
ومجلس لابس العمة التطوير بقى وش جير
والتنمية رصف وتشجير والطب حنا وزيت جرجير
بيع لدواعى الصفر باعوا الشيطان للى كفر
دول معروفين بالنفر بس معاهم شيخ غفر
وطالبين تعين سجانين وترزى وطباخ وعجانين
ورؤساء تحرير للجرانين ويضحوا بالأم لأجل الجنين
ولما إنتى شاطرة والأولى طب لية إيدكى مغلولة
وفاضية وعنى مشغولة صبحتى أمنا الغولة
بقت الناس الكسيبة الراقصات واللعيبة ورجال الأعمال حبيبة
شياطين بسبحة وزبيبة إدونى حزن من غير كرب
حبة شتيمة شبعت ضرب لو نص كفتة وربع طرب
أنا أروح فداكوا بس فى حرب على الأقل أموت شهيد
زهقت من سوق العبيد من غير لخبط ولاتهديد
ماترشونا بأى مبيد هى السياسة إعلانات
كلمونا بلاش رنات مش عاوزين تكسبوا حسنات
ماعندكوش إخوات بنات سرقتوا منى المحفظة
وجيوبى فاضية منفضة لو زعلانين من الفضفضة
يبقو إنتو خلق من الفضا .
" كلمات أحمد فؤاد نجم "
