باصونة

أنأ شـــــــــــــــــــــــــاعر
لسيد يوسف مرسى
وشعر راسى ؛؛؛لم
جار ومجرور
وفاعل
مرفوع بالضم
زقيت عمرى كاس
شرابه تقيل
مينحل
تاكلنى الحروف
فى دماغى
وكل الوحوش
للغنم
أسافر فى قطر السطور
وفى كل محطة
أقول أندل
يقف القلم منصوب
ينزل مداده
أحمر حمار الدم
الوصف عنده جميل
تقدر تقول بحار
فى ركوب اليم
يجمع ويطرح
وشاطر وشايل
الهم
قطع القرايب عيب
والوصل روح
مش جى
حلف يمين وأقسم
برب السما
والأرض
ليكون كلامه سكون
وغطاه هو الصمت
ويمد إيده لكل غلبان
وماله صالح
بابن خال ولا ابن عم
ويقوى وداد المحبة
بحبلين
نسيجهم فرح مش
دم
ويسمى ولاده
بأسماء
خفيفة ما تتزم
تهواها العصافير
والريح لو مرت
تقول سلام
أهل المرؤة والكرم
عشان ألملم شعر راسى
بمشط الحنان
ولا يكون عرضة
لليسوى واللى ميسواش
ولا يببشرق عرضة للبشر
أنأ شـــــــــــــــــــــــــاعر
تحياتى الحــــــــــــــــــــــــــــــــــــــــــــــارة
سيد يوسف مرسى