كفر الشيخ مفتاح

سيدى الرئيس هديلك ورقة وهديلك قلم اكتبلى ايه الانجازات !!!
اكتبلى ايه ذنب اللى مات اكت لى وصفه علشان مموتش من الحسرة وكتر لسكات أصل السكات أصبح خرس .
احكيلى ليه كتروا الحرس ليه الولاد ماتوا على القضيب فى المدرسة سكت الجرس .
سيدى الرئيس
مع القلم رزمة ورق احسب لى كام قلب اتحرق على ابن راح من غير وداع على حلم عمره اللى اتسرق تقدر تقول حضرتك سودت ليه شاشة دريم
لو ده النظام تقدر تقول فرقت ايه عنم القديم
الرأى ضدك اختلاف مش خلاف ولا رزالة وإختلاف الرأى اصلا من الحرية والعدالة
سيدى الرئيس الحسرة مالية قلوب كتيره التار بيكتر فى البلد ولا هشان مش من العشيرة يموت خمسين بنت وولد
الناس غلابة حقهم يحلموا يعيشوا فى أمان غلق المواقع له أوان صدقنى سيدى الرئيس الأولى غلق المزلقان
"ابو حفيظة"