مشطا

مكونات:
2 معلقه نشا ، 2 معلقه ميه ورد ،ونص ليمونه ، محلول سكرى اللى هو ميه بسكر (3معالق سكر -3معالق ميه )
الخطوات:
-هنجيب طبق المونيوم ونحطه ع اضعف شعله يعنى نار هاديه وبعدها هنحط فيه ميه الورد وليمون والميه بسكر
-وبعدها نضيف النشا واحده واحده ونطفى النار ونقلب كويس وبسسسرعه عشان النشا ميعملش كتل
- ونشغل النار تانى هنلاقى النشا بيتقل ونقلب بسسسسسسسسرعه ونطفى النار ونقلب بردوا لحد ما قوامه بيكون
عامل زى الكريم بالظبط ،(خلوا بالكم هيفضل لونه ابيض )
نجيب علبه فاضيه ونظيفه لانه الكريم ده هنحطه ع وشنا ونحط فيه الخلطه ونغيطها ونحطها فى التلاجه
طريقه الاستعمال:
يستخدم يوميا قبل النوم وندهن بيه الوش ونبقى نغسله الصبح بميه ، وندهن وشنا بميه ورد وبسسسسسس
طيب هتقولولى ايه فايده الكريم ده ولا الماسك ده ؟!
فوائده:
* النشا طبعا للتفتيح ونضارة البشرة وبيخلى البشره نظيفه وصافيه
*الليمون للتفتيح
*ميه الورد صفاء البشرة
* المحلول السكرى لنعومه البشره والسكر هيساعد ع تقشير البشرة
اتمنى انه يعجبكم وفيه وصفات كتير اوى طبيعيه ومفيده للبشره بس تابعونا