الصندوق ...محمد الصفتى
الدنيا هدايا ف صنــدوق
والصندوق دايماً مقفـول
والقفل بمفتاح مسروق
والسـارق هو المسؤول
والمسؤول دايماً غايــب
والغايب سرق المفتـاح
والمفـــتاح عند النــايب
والنايــب نايــــم مرتــاح
والمرتاح مش بيسـاعد
والســّاعد كلّ وتعــــبان
والتعــبان عطــلان قاعد
والقاعد دايــــماً غلــبان
والغلـــبان مش بيـلاقي
وتلاقــي ولاده ف شارع
والشـــّارع قلبه سواقي
والسّـاقي بخيل وملاوع
ياملاوع يـــــا ملوّعـــــــــنا
بكره تجوع وتجــوّعـــــــــنا
وبلدنا مش هتســـــــاعنا
من غير مانصحصح ونفوق
إرفع صوتك سمّعــــــــــــنا
عرّفنا الوضع بتاعــــــــــــنا
ولا كلامي مالوش معنى
والغلــــبان هو المحـقوق؟
محمد الصفتي
