فضاءات الدمام

الدمام

فضاء الموروث الثقافي الشعبي

العضو الأكثر فعالية على مستوى الـمحافظة
ياسر سنجر
مسجــل منــــذ: 2011-10-02
مجموع النقط: 5.4
إعلانات

انا طلع لي لسان

أنا .. طلع لي لسان
عايز أقولك .. كلمة ف ودنك .. أنا سلفي وطلعلي لسان
هـدفي محـدد ... ولابا تردد .. ولاحـد يـتوه ف العــنوان
ممكن أصارحك ممكن أقاوحك من غير مانمـس الأركان
لا بنتهدد .. ولا بنبدد ... أنا صخرة ... محـشيـــة إيمان
اسمع مني نصيحة تفيدك واحجز لك .. في الجـنة مكان
أنا ف المجلس . عايز أأسس .. وقنـاعتي أعلي البنيان
مش ح ننافق ولا ح نـوافق ولا كلمة ترضي الشــيطان
أصل جماعة .. قـالوا علينا .. إن احنا زاحمنا الإخـوان
ماانا مصري وعايز مصري ترجع تاني تعيش ف أمان
جــوعتوني .. وعــذبتوني .. مليت من بطــش السجان
أصـل عيـالي .. شاغـلين بـالي .. وفضلت عليهم قلقان
مين ح يجـيلهم .. مين حيعـولهم .. وأبويا نايم تعــبان
قلت ح تفرج .. ولايوم ايأس .. من رحمة ربي المنان
ليه نفضت لاخوك وخالفته ؟ وبسرعة حالفت الظربان
تتفلسف وتقول دي سياسة .. دي شبهة محتاجة بيان
عـايزك تمشي بمنهج واحد ... سيبـك من كتر الألوان
معـترفين دايمـا بالفضـل ... مااحنا تلامذتكو ياإخـوان
علمــتونا فضل اللـحية .. وحلــقتوا كشـفتوا النـسوان
ممكن أعاهدك ممكن أناهدك .. وماننسى هدي القرآن
خـلينا نخلص لبلدنا ... خلافـاتنا ... مسيرها الـدوبان
مش عايزك تتضايق مني ... خلصت كلامي يا إخوان
ايدي ف ايدك .. علشان نبني .. ونرجــعها زي زمان
ح اعمل قـطر محبة يسير ... م السـلوم سينا لأسوان
بس ح اقولك كلمة ف ودنك أنا سلفي وطلـعلي لسان
فكر وحبر / ياسر سنجر

تقييم:

0

0

مشاركة:




التعليق على الموضوع عبر فيس بوك

التعليق على الموضوع في الموقع


لم يسجل بعد أي تعليق على هذه المشاركة !...

...........................................

=== إضافة تعليق جديد ===
الإسم:

نص التعليق:

انقل محتوى صويرة التحقق في الخانة أسفله:
الصورة غير ظاهرة