المعابدة الشرقية

يسأل كثير من الناس واقصد بكثير من الناس ان الغالبية العظمى من الناس. مستثنى من ذلك من لهم توجهات اخرى فيسألوا من هو هو الرئيس الانسب لنا. واخذوا يفكرون ويفكرون ويسأل كل منهم الاخر ننتخب الاخوان وسرعان ما يتراجعون. لا لا لا. كفايه عليهم البرلمان شعب وشورى كفايه عليهم كدة . ثم يقترح اخر التيار الليبرالى وبتوع الاحزاب الوسطية ثم يتراجع. لالالا. مفيش واحد بعينة عليه العين يقدر يتحمل المسئولية .ثم يفكر اخر وقول العسكرى ما هو برضة البلد محتجاهم الايام اللى جاية حيث الاعداء يتربصون بنا ثم يتراجع. لا لا لا. كفانا حكم العسكر بقالنا 60سنة حكم عسكر. من بعد المللك فاروق سنة1952 واحنا فى حكم العسكر واخذ يضربون كف على كف امال ياربى نجيب مين يحكمنا. واذا يظهر واحد عامل نفسه فكيك انا عندى الحل انا عندى الحل. قول يا فكيك. كل الحاضرون فى نفس واحد قول يا فكيك. رد الفكيك وقال. ايه رايكم فى الاستاذ رمضان مبروك ابو العالمين حموده جميع الحاضرين ماتوا على نفسهم من الضحك. وقالوله يا اهبل دى تمثلية فى التلفزيون. قال لهم وايه يعنى مابتوع السياسة كلهم بيمثلوا علينا. قبل الانتخابات تلاقى الواحد وشه بشوش وميفتوش واجب عزاء او فرح. وتلاقيه يمشى يسلم على الناس ويبوس على ادين الاطفال الصغيرة وعلى رؤسهم وايده فرطة عادى يعنى يطلع من جيبة شوية خمسينات ويوزعها على الاطفال وتلاقية مبتسم وهادى عندما يتكلم وتحس الطيبة هتخر منه وبعد ما ينجح تشوف الوش الخشب. دا ان شفت وشه اصلاً. ويقول فى نفسه لو شافكم غوروا جاتكم داهيه. ويجعله عامر فى حب مص.ر