المقاطفية

حبيبي لو ناوي تعمل مشاكل
لوناوي تعارض تقاوم تناضل
صدقني الحكومة مش هيسيبوك
و في اقرب معتقل هينفخوك
هتكون منافق تبوس الايادي
هتعيش كريم وتسكن في المعادي
هتفضل تكاكي بلادي بلادي
هتعيش حقير في العتبة بتنادي
ونصيحة يابني بصفة ابوية
بلاش تدور علي الديمقراطية
طول مانتا عايش في الجمهورية
يابني اصل دول ناس مفترية
خليك انت بس في الكلية
خليك في حالك متشغلش بالك
الدنيا ولعت ياعم انت مالك؟
واوعي تيجي جنب الريس
اديني قلتلك بلااش الريس