فضاءات نزلة البدرمان

نزلة البدرمان

فضاء الإبداعات الأدبية والفنية

العضو الأكثر فعالية على مستوى الـبلدة
hamed
مسجــل منــــذ: 2011-04-12
مجموع النقط: 7.2
إعلانات


يا مصر بانت ( شعر تميم البرغوثي )


من اجمل ما كتب الشاعر تميم البرغوثي اقدمها لاحبابي واهل بلدي يا مصر هانت وبانت
يا مصر هانت وبانت كلها كام يوم
نهارنا نادي ونهار الندل مش باين
الدولة مفضلش منها إلا حبة شــوم
لو مش مصدق تعال ع الميدان عاين
ياناس مفيش حاكم إلامن خيال محكوم
واللـي هيقعـد فـي بيته بعـدهـا خـاين
اللـي هيعـقــد كـأنـه ســــلـم التـانيـن
للأمن باديه وقاله هما ســاكنين فين
وصلت لضرب الرصاص ............
..................عالخلق في الميادين
حتى الجثث حجزوها اكمنهم خـايفين
يامصر أصبحنا أحياء وميتين مساجين
واللي هيقعد في بيته يبقى مش مفهوم
واللي هينـزل الهـي حارســه وصـاين
يا مصـر هانـت وبانـت كلهـا كـام يـوم
نهـارنا نادي ونهـار النـدل مــش باين
نهـارنـا نـادي وبـأيدينــا علـىفكــــــره
الصبح عنده فضول راح نعمل إيه بكره
إيـده على الباب وخايف يلمــس الأكره
ادخـل يا أســـتاذ براحـتك والبلـد حــره
إحـنا زهقنا نشــوف الصـبح مـنبــره
ادخــل وخــرج بقـايـا العتمــه بـالمـره
الناس ديه حره وجنود الأمن مضطره
ياصبح طلعت روحنا لجل تيجي ياخي
طالعين نجيبها أهوا فى كل حاره وحي
حتـى لــو ضـربونـا بالـرصــاص الحي
شوف المداين كده مفروشه خلق وضي
دايمــاً مفاجــأه ودايمــاً وقتهــا معلـوم
الحـكــم لينــا وليــك الحــق يـامداين
يا مصـر هانـت وبانـت كلهـا كام يوم
نهـارنا نـادي ونهـار النـدل مش باين
يا صف عسكر بدال الدرع شيلو اثنين
25 ينـايـر يـا شــبااااااااااب فـاكـريـن
كان فيه انجليز ووزير الداخليه تخين
كان عنده برضه عساكر زيكم جامدين
ســابهم يموتـوا علاوله لم سأل فيهم
كانـوا شــبهكـم اســاميكـم اســاميهـم
يـا عسـكـري البهـوات اللـي بتحميهم
ممكـن يـردوا عليـك لمـا تناديهـم؟؟؟
يا عسـكري أنـا أصلي بــس بسـتغرب
لو لاقي تأكل وتشرب قوم ياعم اضرب
اضرب عشان الوزير من ضربتك يطرب
لكـن هتشـتغــل ايـه لمـا الـوزيــر يهـرب
أمـا الشــديـد القــوي القــادر أبــوالقـادر
برميـل تلامـه نشــع علي مصر من الآخر
لــو شــافتـه معــدده تكتـب ادب ســـاخـر
ثـابـت يـقــول للـهــرم يـا كـابتـن اتـأخــر
ولــم يــزل معتـقــد ان الـهــرم هيـقــوم
آدي الحجر والبشر قايمين ياسيد القوم
والديــن هيتـرد يا اللي عشــت متـدايـن
يا مصــر هانـت وبانـت كلهــا كـام يوم
نهـارنا نـادي ونهـار النـدل مــش بايـن
ده حـكــم أســرة ولا خـوفـو ولاخـفرع
ولا وجـع بـطـن يتعـالـج بزيـت خــروع
عمــل مســوجـر بعيــد عنـك ولايطلـع
جربنا فيه كل شىء ملقينا شـىء ينفع
منفعــش بالأدويـه جـربنا ألـف طبيـب
ولا بعطـاره شــيوخ ليهـم بلح وزبيب
ولا بجحفـل مغـولي وضرب بالقباقيب
عمـل مسوجـر وســفلي شـغل تل أبيب
وشـــغـل أمـريكـا متغـلف وختمه عليه
ضيف زارنا ياعم من غير دعوه لابس بيه
قاعـد 30 ســنة مبيقولـش قاعـد ليه
والنيـه يديهــا لابنـه النابغـه بعـديـه
ويقـول قضا وقـدر بين البشر محتوم
قولناله طيب ومين قال للقدر معلوم؟
وايـش عرفك يا فخمتك بالذي كاين؟
يا مصـر هانـت وبانـت كلها كام يوم
نهارنا نادي ونهـار الندل مــش باين
تميم البرغوثى

تقييم:

0

0
مشاركة:


التعليق على الموضوع


لم يسجل بعد أي تعليق على هذه المشاركة !...

...........................................

=== إضافة تعليق جديد ===
الإسم:

نص التعليق:

انقل محتوى صويرة التحقق في الخانة أسفله:
الصورة غير ظاهرة