أغاني الفلاحين القديمة
الأغاني القديمة اللي تعودنا نسمعها في افراحنا قربت تختفي وحل مكانها الدي جي واغاني جديدة زي العنب وبحبك يا حمار ومابقاش انا, زمان كان الكل بيشارك في الغنا ستات واطفال وشباب , لكن دلوقتي تلاقي الستات قاعدين ساكتين , ويا اما بيبصو لبعض ويتفرجو على اللي داخله واللي خارجة, او قاعدين يجيبوا في سيرة الخلق, والشباب طبعا كل واحد شايل كاميرا او موبايل بكاميرا وعمال يصور بمناسبة ومن غير مناسبة. قليل قوي نلاقي حد جايب طبل بلدي مع ان الناس لما تسمع ان فيه طبل بلدي في فرح , بيطلعو كلهم رجالة وستات واطفال علشان يفرحو ويتفرجوا ويشاركوا .
طبعا سنة الحياة هي التغيير, لكن لما بنسمع اغاني افراح زمان, تلاقي الذكريات اللي كنت ناسيها بترجعلك وتلاقي نفسك بتفتكر حاجات كتير من ايام طفولتك. ودي بعض الاغاني اللي دايما كنا نسمعها في الافراح واحنا صغيرين:
خدناها ..خدناها ..
خدناها م الصيف الماضي.. وأبوها ما كنش راضي..
وعلشنها بعنا الأراضي.. الحلوة اللي كسبناها..
خدناها بالملايين.. وهما ما كـنوش راضيين..
علشنها بعنا الفدادين.. الحلوة اللي كسبناها
**********
افرحي يادي الاوضة.. جياكي عروسه موضة...
افرحي يادي المندرة.. جياكي عروسه سكرة...
افرحي يادي القاعة.. جياكي عروسه الساعة...
********
رشوا الشارع ميه.. دا عروسة الغالي جاية .
رشوا الشارع كاكولا.. دا عروسة الغالي منقولة.
رشوا الشارع ريحه.. عروسة الغالي مليحة
ايوة يا حارة ضالمة .. أحنا اللى نورنا
أيوة يا حارة هس هس .. أحنا اللى عمالنلكم حس
**********
ولعة يا ولعة
ايوة يا واد يا ولعة
خدها و نزل الترعة
ولعة يا ولعة
طالعة تقشر فى اللامونة
نازلة تقشر فى اللامونة
حلف عليها ابن المجنونة
ما هى نازلة الترعة
ايوة يا واد يا ولعة
طالعة تقشر فى التفاحة
نازلة تقشر فى التفاحة
حلف عليها ابن الفلاحة
ما هى نازلة الترعة
ايوة يا واد يا ولعة
خدها ونزل الترعة
طالعة ابطط فى الر قاق
نازلة ابطط فى الرقاق
حلف على بالطلاق
ماانا نازلة الترعة
طالعة أاطف فى الملوحية
نازلة أاطف فى الملوخية
حلف على ابن المؤذية
ماانا نازلة الترعة
طالعة احشى ورق الكوسة
نازلة احشى ورق الكوسة
حلف على ابن المنحوسة
ماانا نازلة الترعة
********
بس الوله يجي.. بس الولة يجي...
يجي عالمحطه.. وانا ادبحلوا بطة...
يجي عالرياح.. وانا ادبحلوا فراخ...
يجى عند دارنا .. وانا ادبحله حمامنا ، واشاورلة يجى
يجي عالتسريحة.. وأحطلوا ريحه...بس الوله يجي
*********
يحيا ابوها يحيا .. عوج الطربوش على ناحية
يحيا أبوها وشنبه.. اللي ما حدش غلبه...
يحيا ابوها وعمته .. اللي مشا كلمته
يحيا أبوها يحيا..
يحيا أبوها يا جدعان...
جاب عزالها على التمام
يحيا ابوها ورمش عنيه
اللي ماحد مشا عليه
*********
حلال عليك ست الحلوين.. عرفت يا عريسنا تنقي...
رشوا الملح يا ناس م العين.. ورقصوني ده أنا من حقي...
الليلة ليلة هنا وسرور.. وكوبيات في صواني بدور...
واحد اتنين
الصلاة عالزين الصلاة عالزين
..
*********
أدحرج واجري يا رمان.. وتعالي علي حجري يا رمان..
دانا حجري حنين يارمان.. يخدك ويميل يا رمان..
ويا رمانة واحدة ...
وياهوووه وعريسنا اهوووه
ياهيييه عروستنا اهيييه
واهو جالك اهوووه ..ريح بالك اهوووه
***********
اوعيلوا يابت اوعيلوا.. دا الظابط يبقي زميله...
اوعالها يا واد اوعالها.. ده العمدة يبقي خالها...
**********
أمسك يالا حرامى حلق يالا حرامى
مالك يا بت انتى وهية
على الشباب رايحة وجاية
دا مافيش جواز النوبة دية
وامسك يالا ( حرامى حرامى )
مالكم كدة يا بنات هايمين
على الشباب رايحين جايين
دا مافيش جواز واغسلو مواعين
وامسك يالا ( حرامى حرامى )
شوف الشباب التعبانة
بتحب البت المليانة
وراحت عليكى يا نشفانة
وأمسك يالا ( حرامى حرامى )
شوف الشباب الفقرية
بتحب البت الغجرية
وراحت عليكى يا بلطية
وأمسك يالا ( حرامى حرامى )
شوف البنات التعبانة
بتحب الواد أبو لبانة
وراحت علينا يا رجالة
وأمسك يالا ( حرامى حرامى )
****************
أدلع يا عريس يا ابو لاسة نايلون أدلع يا عريس وعروستك نايلون
عند بيت ام فاروق..هاي هاي
والشجرة طرحت برقوق....هاي هاي
واللي باحبه طلع مجنون ..عاللاسه اللاسه نايلون
انا كل ماقولك ماعلشي
تتقل عليا ماينفعشي
عملنا طيب مانفعشي
عاللاسة اللاسة نايلون
انا كل ماقلك تعالى
تتقل عليا وتتعالى
جسمي داب واتعللى
عاللاسة اللاسة نيلون
بحبك ليه بتنساني
هواك جزبني ونساني
علشانك بعت ناسي اّني
عاللاسة الاسة نايلون
**********
الواد أحمد دة حماتة حباة ( لاى لاى )
من صغرة راحة جاية وراة
وبتديلو على قفاة
أبو لاسة لاسة نايلون
الواد أحمد دة حلو وزين( لاى لاى )
أحترت اجبلة انا اكل منين
دة داهية في طقة ياكل حمارين
أبو لاسة لاسة نايلون
الواد أحمد ركب الحنطور( لاى لاى )
وزمايلة واقفين لة طابور
بيقولولة يا ابو بربور
أبو لاسة لاسة نايلون
الواد أحمد دة كلة شباب( لاى لاى )
ومراتة واقفالة على الباب
واقفة ومسكالة القبقاب
أبو لاسة لاسة نايلون
*********
ليلا ليل لايل لا يلا - لا لايل لايلا ليلى ليلا
ودخلت زراعة برجليا ودخلت ولا سمو عليا وخرجت منها بعد سنين لابس سديرى وجلابية
ودخلت بطرى برجليا ودخلت ولا سمو عليا وخرجت منها بعد سنين باربع رجول وليا
ودخلت طب برجليا دخلت ولا سمو عليا وخرجت منها بعد سنين فشلت في اول عملية
ودخلت حقوق برجليا ودخلت ةلا سمو عليا وخرجت منها بعد سنين خسران اول قضية
ودخلت جيولوجيا برجليا ودخلت ولا سمو عليا وخرجت منها بعد سنين ماسك حجارة بايديا
**********
**************
سبله ف سبله و يلا يا حلوة ضمي الغلة
يا حلوة بصي يا حلوة طلي يا حلوة ضمي الغلة
وريني شعرك وريني
لتكوني قارعة تعريني
و ليلة الدخلة تقوليلي
اهي باروكة و يلا
وريني عينيك وريني
لتكوني عوره تعريني
و ليلة الدخلة تقوليلي
اهي نضارة و يلا
و سبله و سبله و يلا
يا حلوة ضمي الغلة
يا حلوة بصي يا حلوة طلي يا حلوة ضمي الغلة
وريني وسطك وريني
لتكوني تخينة تعريني
و ليله الدخله تقوليلي
اهو برمودا و يلا
و سبله و سبله و يلا
يا حلوة ضمي الغلة
يا حلوة بصي يا حلوة طلي يا حلوة ضمي الغلة
وريني رجلك وريني
لتكوني عرجة تعريني
و ليله الدخلة تقوليلي
اهو كعب عالى و يلا
****************
حبيبي يا احمد يا اللى على الجبهه
يا روحي يا احمد ياللى على الجبهه
احمد ماجاشي لأ لأ
و لا عاداشي لأ لأ
و لا سابشي بوسه لأ لأ
من قعر الكوسة لأ لأ
حبيبي يا احمد يا اللى على الجبهه
امك تدعيلك ست سنين
و ابوك يدعيلك ست سنين
و انا خايفة عليك من اليهودين
حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست شهور و ابوك يدعيلك ست شهور
و انا خايفة عليك لا تروح و تغور
و حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست اسابيع
و ابوك يدعيلك ست اسابيع
و انا خايفة عليك لا تروح و تضيع
و حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست ايام
و ابوك يدعيلك ست ايام
و انا خايفة عليك لا تروح و تنام
و حبيبي يا احمد يا اللى على الجبهه
يا روحي يا احمد ياللى على الجبهه امك
تدعيلك ست ساعات
و ابوك يدعيلك ست ساعات
و انا خايفة عليك لا تروح و تبات
و حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست ساعات
و ابوك يدعيلك ست ساعات
و انا خايفة عليك لا تروح و تبات
امك تدعيلك ست ساعات
يا روحي يا احمد ياللى على الجبهه
امك تدعيلك ست دقايق
و ابوك يدعيلك ست دقايق
و انا خايفة عليك لا تروح و اتضايق
و حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست ثوانى
و ابوك يدعيلك ست ثوانى
و انا خايفة عليك لا تروح تنساني
و حبيبي يا احمد يا اللى على الجبهه
يا روحي يا احمد ياللى على الجبهه
********
الورد كان شوك ,من عرق النبي فتح, سعيد يا مسعد, واللي يصلي عليه يسعد, الله حي الله حي, ايا حي ايا ...
*******************
"عريس بسطيبو / يا واحد / الورد كان شوك / من عرق النبي فتّح / سعيد يا نبي سعيد / ما تصلوا عليه / مبروك مبروك مبروك".
***************
الواد اصطاد السمكة
جاب عروسة ملكة
الواد اصطاد البلطية
جاب عروسة منقية
***********
حياني يا بلح حياني حياني
والبلح طرح حياني
والراجل اصطلح حياني
علي كبشة بلح حياني
والكبشه كيس حياني
واحضن يا عريس حياني
وطلعت أجيبه حياني
شكشكني جريده حياني
*********
عالعجلة وشبكها
عالقميص اللبني
اول مادخل
دخل عالاوضه
قلعها الموضة
واتكل على الله
عالعجلة وشبكها
عالقميص اللبني
اول ما دخل
دخل عالإياس
قلعها "***"ـ
واتكل على الله
عالعجلة وشبكها
عالقميص اللبني
اول مادخل
دخل عالسرير
قلعها الحرير
واتكل على الله
*******
حبيبي يا أحمد
يا! للي ع الجبهة
ال أحمد جه ؟
لأ ياعينيا
جاب الكوسة ؟
لأ يا عينيا
أخد البوسة ؟
لأ ياعينيا
اه يانا ياأحمد
ياللي ع الجبهة
طبعا سنة الحياة هي التغيير, لكن لما بنسمع اغاني افراح زمان, تلاقي الذكريات اللي كنت ناسيها بترجعلك وتلاقي نفسك بتفتكر حاجات كتير من ايام طفولتك. ودي بعض الاغاني اللي دايما كنا نسمعها في الافراح واحنا صغيرين:
خدناها ..خدناها ..
خدناها م الصيف الماضي.. وأبوها ما كنش راضي..
وعلشنها بعنا الأراضي.. الحلوة اللي كسبناها..
خدناها بالملايين.. وهما ما كـنوش راضيين..
علشنها بعنا الفدادين.. الحلوة اللي كسبناها
**********
افرحي يادي الاوضة.. جياكي عروسه موضة...
افرحي يادي المندرة.. جياكي عروسه سكرة...
افرحي يادي القاعة.. جياكي عروسه الساعة...
********
رشوا الشارع ميه.. دا عروسة الغالي جاية .
رشوا الشارع كاكولا.. دا عروسة الغالي منقولة.
رشوا الشارع ريحه.. عروسة الغالي مليحة
ايوة يا حارة ضالمة .. أحنا اللى نورنا
أيوة يا حارة هس هس .. أحنا اللى عمالنلكم حس
**********
ولعة يا ولعة
ايوة يا واد يا ولعة
خدها و نزل الترعة
ولعة يا ولعة
طالعة تقشر فى اللامونة
نازلة تقشر فى اللامونة
حلف عليها ابن المجنونة
ما هى نازلة الترعة
ايوة يا واد يا ولعة
طالعة تقشر فى التفاحة
نازلة تقشر فى التفاحة
حلف عليها ابن الفلاحة
ما هى نازلة الترعة
ايوة يا واد يا ولعة
خدها ونزل الترعة
طالعة ابطط فى الر قاق
نازلة ابطط فى الرقاق
حلف على بالطلاق
ماانا نازلة الترعة
طالعة أاطف فى الملوحية
نازلة أاطف فى الملوخية
حلف على ابن المؤذية
ماانا نازلة الترعة
طالعة احشى ورق الكوسة
نازلة احشى ورق الكوسة
حلف على ابن المنحوسة
ماانا نازلة الترعة
********
بس الوله يجي.. بس الولة يجي...
يجي عالمحطه.. وانا ادبحلوا بطة...
يجي عالرياح.. وانا ادبحلوا فراخ...
يجى عند دارنا .. وانا ادبحله حمامنا ، واشاورلة يجى
يجي عالتسريحة.. وأحطلوا ريحه...بس الوله يجي
*********
يحيا ابوها يحيا .. عوج الطربوش على ناحية
يحيا أبوها وشنبه.. اللي ما حدش غلبه...
يحيا ابوها وعمته .. اللي مشا كلمته
يحيا أبوها يحيا..
يحيا أبوها يا جدعان...
جاب عزالها على التمام
يحيا ابوها ورمش عنيه
اللي ماحد مشا عليه
*********
حلال عليك ست الحلوين.. عرفت يا عريسنا تنقي...
رشوا الملح يا ناس م العين.. ورقصوني ده أنا من حقي...
الليلة ليلة هنا وسرور.. وكوبيات في صواني بدور...
واحد اتنين
الصلاة عالزين الصلاة عالزين
..
*********
أدحرج واجري يا رمان.. وتعالي علي حجري يا رمان..
دانا حجري حنين يارمان.. يخدك ويميل يا رمان..
ويا رمانة واحدة ...
وياهوووه وعريسنا اهوووه
ياهيييه عروستنا اهيييه
واهو جالك اهوووه ..ريح بالك اهوووه
***********
اوعيلوا يابت اوعيلوا.. دا الظابط يبقي زميله...
اوعالها يا واد اوعالها.. ده العمدة يبقي خالها...
**********
أمسك يالا حرامى حلق يالا حرامى
مالك يا بت انتى وهية
على الشباب رايحة وجاية
دا مافيش جواز النوبة دية
وامسك يالا ( حرامى حرامى )
مالكم كدة يا بنات هايمين
على الشباب رايحين جايين
دا مافيش جواز واغسلو مواعين
وامسك يالا ( حرامى حرامى )
شوف الشباب التعبانة
بتحب البت المليانة
وراحت عليكى يا نشفانة
وأمسك يالا ( حرامى حرامى )
شوف الشباب الفقرية
بتحب البت الغجرية
وراحت عليكى يا بلطية
وأمسك يالا ( حرامى حرامى )
شوف البنات التعبانة
بتحب الواد أبو لبانة
وراحت علينا يا رجالة
وأمسك يالا ( حرامى حرامى )
****************
أدلع يا عريس يا ابو لاسة نايلون أدلع يا عريس وعروستك نايلون
عند بيت ام فاروق..هاي هاي
والشجرة طرحت برقوق....هاي هاي
واللي باحبه طلع مجنون ..عاللاسه اللاسه نايلون
انا كل ماقولك ماعلشي
تتقل عليا ماينفعشي
عملنا طيب مانفعشي
عاللاسة اللاسة نايلون
انا كل ماقلك تعالى
تتقل عليا وتتعالى
جسمي داب واتعللى
عاللاسة اللاسة نيلون
بحبك ليه بتنساني
هواك جزبني ونساني
علشانك بعت ناسي اّني
عاللاسة الاسة نايلون
**********
الواد أحمد دة حماتة حباة ( لاى لاى )
من صغرة راحة جاية وراة
وبتديلو على قفاة
أبو لاسة لاسة نايلون
الواد أحمد دة حلو وزين( لاى لاى )
أحترت اجبلة انا اكل منين
دة داهية في طقة ياكل حمارين
أبو لاسة لاسة نايلون
الواد أحمد ركب الحنطور( لاى لاى )
وزمايلة واقفين لة طابور
بيقولولة يا ابو بربور
أبو لاسة لاسة نايلون
الواد أحمد دة كلة شباب( لاى لاى )
ومراتة واقفالة على الباب
واقفة ومسكالة القبقاب
أبو لاسة لاسة نايلون
*********
ليلا ليل لايل لا يلا - لا لايل لايلا ليلى ليلا
ودخلت زراعة برجليا ودخلت ولا سمو عليا وخرجت منها بعد سنين لابس سديرى وجلابية
ودخلت بطرى برجليا ودخلت ولا سمو عليا وخرجت منها بعد سنين باربع رجول وليا
ودخلت طب برجليا دخلت ولا سمو عليا وخرجت منها بعد سنين فشلت في اول عملية
ودخلت حقوق برجليا ودخلت ةلا سمو عليا وخرجت منها بعد سنين خسران اول قضية
ودخلت جيولوجيا برجليا ودخلت ولا سمو عليا وخرجت منها بعد سنين ماسك حجارة بايديا
**********
**************
سبله ف سبله و يلا يا حلوة ضمي الغلة
يا حلوة بصي يا حلوة طلي يا حلوة ضمي الغلة
وريني شعرك وريني
لتكوني قارعة تعريني
و ليلة الدخلة تقوليلي
اهي باروكة و يلا
وريني عينيك وريني
لتكوني عوره تعريني
و ليلة الدخلة تقوليلي
اهي نضارة و يلا
و سبله و سبله و يلا
يا حلوة ضمي الغلة
يا حلوة بصي يا حلوة طلي يا حلوة ضمي الغلة
وريني وسطك وريني
لتكوني تخينة تعريني
و ليله الدخله تقوليلي
اهو برمودا و يلا
و سبله و سبله و يلا
يا حلوة ضمي الغلة
يا حلوة بصي يا حلوة طلي يا حلوة ضمي الغلة
وريني رجلك وريني
لتكوني عرجة تعريني
و ليله الدخلة تقوليلي
اهو كعب عالى و يلا
****************
حبيبي يا احمد يا اللى على الجبهه
يا روحي يا احمد ياللى على الجبهه
احمد ماجاشي لأ لأ
و لا عاداشي لأ لأ
و لا سابشي بوسه لأ لأ
من قعر الكوسة لأ لأ
حبيبي يا احمد يا اللى على الجبهه
امك تدعيلك ست سنين
و ابوك يدعيلك ست سنين
و انا خايفة عليك من اليهودين
حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست شهور و ابوك يدعيلك ست شهور
و انا خايفة عليك لا تروح و تغور
و حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست اسابيع
و ابوك يدعيلك ست اسابيع
و انا خايفة عليك لا تروح و تضيع
و حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست ايام
و ابوك يدعيلك ست ايام
و انا خايفة عليك لا تروح و تنام
و حبيبي يا احمد يا اللى على الجبهه
يا روحي يا احمد ياللى على الجبهه امك
تدعيلك ست ساعات
و ابوك يدعيلك ست ساعات
و انا خايفة عليك لا تروح و تبات
و حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست ساعات
و ابوك يدعيلك ست ساعات
و انا خايفة عليك لا تروح و تبات
امك تدعيلك ست ساعات
يا روحي يا احمد ياللى على الجبهه
امك تدعيلك ست دقايق
و ابوك يدعيلك ست دقايق
و انا خايفة عليك لا تروح و اتضايق
و حبيبي يا احمد يا اللى على الجبهه
يا روحي يا احمد ياللى على الجبهه
امك تدعيلك ست ثوانى
و ابوك يدعيلك ست ثوانى
و انا خايفة عليك لا تروح تنساني
و حبيبي يا احمد يا اللى على الجبهه
يا روحي يا احمد ياللى على الجبهه
********
الورد كان شوك ,من عرق النبي فتح, سعيد يا مسعد, واللي يصلي عليه يسعد, الله حي الله حي, ايا حي ايا ...
*******************
"عريس بسطيبو / يا واحد / الورد كان شوك / من عرق النبي فتّح / سعيد يا نبي سعيد / ما تصلوا عليه / مبروك مبروك مبروك".
***************
الواد اصطاد السمكة
جاب عروسة ملكة
الواد اصطاد البلطية
جاب عروسة منقية
***********
حياني يا بلح حياني حياني
والبلح طرح حياني
والراجل اصطلح حياني
علي كبشة بلح حياني
والكبشه كيس حياني
واحضن يا عريس حياني
وطلعت أجيبه حياني
شكشكني جريده حياني
*********
عالعجلة وشبكها
عالقميص اللبني
اول مادخل
دخل عالاوضه
قلعها الموضة
واتكل على الله
عالعجلة وشبكها
عالقميص اللبني
اول ما دخل
دخل عالإياس
قلعها "***"ـ
واتكل على الله
عالعجلة وشبكها
عالقميص اللبني
اول مادخل
دخل عالسرير
قلعها الحرير
واتكل على الله
*******
حبيبي يا أحمد
يا! للي ع الجبهة
ال أحمد جه ؟
لأ ياعينيا
جاب الكوسة ؟
لأ يا عينيا
أخد البوسة ؟
لأ ياعينيا
اه يانا ياأحمد
ياللي ع الجبهة
