عرابة أبو دهب

اهداء لكل ابناء العرابة الأوفياء بدون ذكر عائلات لأن ذلك يوقع البغضاء والفتنه خليناعائله وحده أحسن. عشان عملت الموضوع ده قبل كده وحصل مشاكل الى قال اشمعنا عيلتنا جت أخر العائلات واللى زعل لما نسيت اسم عيلته وكده يعنى.فأحسن حاجه نتكلم واحنا على شبكه المعلومات باسم عيله وحده نسميها عائلة عرابة أبودهب.واعتقد آن الأوان ان احنا ننسى الحروب والضغائن اللى ورثناها عن أجدادنا ونبدأ صفحة فيسبوك جديده.وعلى رأى أحمد السقا من النهارده مفيش عمده انا العمده انا العمده. (هو اللى قال مش انا).ووالله فى ناس مثقفة كتير فى البلد بس خايفين يعبروا عن الثقافه دى تلاقى تريقه واستهتار من الساده الأخيار.اللى يقول شوفلك رغيف عيش أحسن.واللى يقول ايتفلسف علينا ابو الحاج.واللى يقول حوش ده نافخ مناخيره واللى يقول ايه هو مش فاكر جده ولا ايه؟؟ طاب انت مالك ومال جده يا ابن الحلال خللى الراجل يتكلم براحته وبعدين اقولهالك نصيحه (انسى جدودك يا صاحبى احنا فى زمن الفيسبوك) مش بقول كده عشان جدودنا عار مثلا (لا سمح الله) جدود العرابة كلها من نسب عربى شريف يمتد الى بنى يعرب الى بنى قحطان ودول أصل الكرامه والشرف وأخيرا دعوه الى ابناء العرابة شاركوا فى توصيل صوره أفضل للأخرين عبر هذا المنتدى وشكرا