العتوة البحرية

أنــــــا الـوطـــــــــن
أنا الوطن أنا دمعة محبوسة سنين ف عيون البشر
أنا الوطن أنا قلب محروم الفرحة ف ضلمة وخطر
أنا شاب من عمر التلاتين عاشهم حزين
مقهور وضاع حلمه إنعصر
****
إكتئاب.... إحساس هلكني سنين عذاب
دقيت ولا مرة فتحلي باب وقلبي إنكسر
واليوم خلاص أتاريني بإيديا الخلاص
ماتت شباب وبنات وناس وشعب إنتصر
****
عذاب المحسوبية والوسطة المفترية
بايعة بقوة القضية وغضة البصر
لحاجات ياما مدارية الفتنة الطائفية
كان ليهم إيد خفية ف شد الوتر
إكتئاب إحساس........
****
زعلان على صُحبة ليا رجالة شباب قوية
كانو ف الحركة الضحية لغدر إنتشر
إن شا الله شوية شوية هتعيش مصر القوية
بإيدين سمرا وعفية غضبها إنفجر
إكتئاب إحساس...................