قصيدة للشاعر الكبير مرشد البذال رحمه الله/ منقول**/
قصيدة للشاعر الكبير مرشد البذال رحمه الله
كانت موجهة للعطاوي رد على قصيدة للعطاوي طلب منه العطاوي فيها مرافقته إلى الأمير السديري رحمهم الله جميعاً
إقرأوها حتى نهايتها ففيها من الحكم ما يجعلها من أورع القصايد التي تستاهل أن تكون بماء الذهب
قل لبو نواف كملنا العذار=وانتوينا يا العطاوي بالمسير
كان ابو نايف تحصل له مدار=دوره والادفعنا له بشير
قل لبن عون الوعد تالي النهار=بالمثلث لا تسج ولا تحير
اعتجل يوم الهوى ذعذع ودار=اترك الراضة وعذر فيه مير
كان عندك بالبنا تالي جدار=افهقه والعيد ما فيه اتعمير
يم ابوسلطان عزم الفكر دار=يم غيره لا تقول ولا تشير
خلهن يمشن من ديرة لدار=المواتر صافية والدرب قير
مثل ابو سلطان له حقٍ يزار=جيته بالعيد مظهرها كبير
سجةٍ عنده تزود بالعمار=يدله الخاطر ويرتاح الضمير
في محلٍ قد جلسنا به مرار=صاحبٍ يا عز من هوله عشير
مجلسٍ يوخذ بعين الاعتبار=مدهل الشيخان وزاع العثير
دلةٍ فيها من الحب شي بهار=ومنسفٍ يشبع ضيوفه والقصير
نادرٍ له نطحة الموجب شعار=فاهمٍ بالمرجلة درسٍ غزير
ما لبس ثوب النشاما مستعار=وارثٍ طيبه من الوجه السفير
أحمد اللي له تواريخٍ قرار=بالكرم مع سلة السيف الشطير
أسال التاريخ يعطيك اختيار=عن تواريخ السديري بتعبير
اقر ديوان الخليفه كان دار=شف مقاله عنه بالثلث الاخير
شف مراكيضه على قب المهار=يوم سفك الدم غادي له هدير
كان ابو سلطان هوماته كبار=تابعٍ عودٍ على دربه يسير
والعلوم اطوال واحلاها القصار=زبدة الموضوع واحلاه القصير
ما بنيت الملحمة بني الجدار=كود ناسبها على فعلٍ شهير
كان للمعروف هالوقت اشتهار=السديري مع هل الجودة خشير
ما بنى السمعة على ملس العقار=ما بناها الا على فعلٍ ثمير
انشد اللي سمع بأفعال الكبار=نور الاول يقتبس منه الاخير
يوم وقتي عقب ابو زيد استدار=اجتبرت بجابر العظم الكسير
شمت لي فيه خصلاتٍ خيار=الذكا والدين والعرض الستير
لي بربعتهم معزه وافتخار=ربعة الطيب تنسيك الحقير
أفهم الطيب الخنين من البهار=يوم فاح المسك شميت العبير
قالها اللي له بعرف الناس كار=افهم الشبر الطويل من القصير
الرجال طيور توصف للحرار=وكل طيرٍ في جناحينه يطير
وين طيرٍ يحتري له كل جار=ووين طيرٍ يذعره صوت الصفير
وين طيرٍ لا نهض شق الستار=ووين طيرٍ ما يصيد الا الشرير
لا تقول ان الشجاعة بالطيار=كان فضلنا القطا عن كل طير
النداوي له على الفعل اقتدار=والحمامة بالمحارم تستذير
وان جهلت الزين والجنس الدمار=انشد اللي في معرفتهن خبير
افتهم مني كلامٍ باختصار=فرق بين الصوف من سلك الحرير
فرق بين الحب وانخال الشوار=اصلهن واحد لا شك الذوق غير
ربعة الطيب تزيدك بانتصار=ترفعك رفع العمد بيتٍ نضير
الردي عرفه مثل بيرٍ هيار=تنقبر فيها ويدفنك الحفير
حقة الطيب تجيك من الفقار=والردي يعطيك كرسوع البعير
لا ترابع واحدٍ بالعهد بار=وان وفا مره فهو خيرٍ كثير
التجارب خلها لك مستشار=لا تبي غير التجارب لك شوير
لا تجي مدخل يدينه بالخبار=ما لقى صيده لقى دابٍ ضرير
روس الرجال فهود وأدناها حمار=وأنت فكر بالفهود وبالحمير
وأنت في نفسك عليك الدور دار=لا تحسب انك مخلا يا الفقير
وقر العالم وتلقى لك وقار=وان حقرت احقرت لو انك أمير
والشرف لا يستوي فيه انهيار=الشرف هو مقضب السيف الشطير
والقناعه مرجله والضعف عار=وأطلب النجده من الوالي القدير
لا تجي للناس طلباتك اكثار=كل ديوانٍ تجي يمه مغير
ما خبرنا في هل الشحذه تجار=غير فقره كل نفس له تعير
خل عز النفس للعوره ستار=لو افراشك في طرف بيتك حصير
وأنت للعودة من الله بانتظار=واحدٍ ماله وكيل ولا مدير
مدت الله تمتلي منها النقار=تجعل الغدران بالملزم تحير
تجعل الوادي مريفٍ بالخضار=عقب ما هو يابسٍ قشعه هشير
الكريم معان والفارس مجار=مدي الواجب ونطاح الذخير
والغني بالذل ما فيه اشتهار=والفقر بالعز لأمجادك يثير
منزلٍ بالذل فوق أعلى منار=ينتفضل عنه مسكان الحجير
مرقدك في العز في حزم القرار=ينتفضل بالمعزة عن سرير
الغني بالنفس ما هو بالصرار=كم عنيٍ كن ما عنده ذخير
كم فقيرٍ في ثقيل الحمل ثار=وكم غنيٍ سمعته سمعة فقير
لا تقول فلان يملك له عقار=ليش انا ما ادركت من مثله واصير
واحدٍ معطيه ما هو فيك غار=لا تجي لأحوال خلق الله نظير
عز نفسك لو تبيع من القشار=بيع غرضانك ولا طلبة وزير
ولا تقول الوقت لايحني سطار=ضربةٍ خلت دماغي يستدير
غيرك الدنيا تلوحه بالحجار=لين صار الدم من خده خرير
ضامت الدنيا مدللت البكار=نازلين القفر لو جاهم نذير
وانكشف برقٍ مثل لون الشعار=يذكر الغزاي به عشب وغدير
جلعوا له ما لهم غيره مزار=في جهامٍ كنه الصيد المذير
وان مشوا لك بالسلف والنشر سار=زمة الحيران زاهيها النشير
حاسبينٍ للجهاد وللمغار=والبنادق ما تخبا بالجفير
كان شاط الهوش شيطات العشار=جتك أواليدٍ تعزوا بالفطير
موتةٍ عن قولة الخفرات نار=العذارى ما تعشق اللي ينير
وينهم هالحين مامنهم سمار=ما تشوف الهم ورود ولا صدير
مالت الدنيا عليهم بانكسار=عقب ما يضهد دبشهم كل بير
عقب شرب الدر من سور الحوار=هاجروا بالمدن يشرون العصير
والدبور اللي طبخ قدره وفار=ذوب اللي فيه من حامي السعير
لذة الدنيا مثل لعب القمار=لو جمعة المال شف تال المصير
لو جمعت من الذهب حمل القطار=عند نزع الروح منت بله دبير
صار بين الوارثين بلا مشار=وانعزل حق الكبير من الصغير
وأنت حقك خامةٍ عشرين وار=حقتك هذي ولا فيها خشير
فصلو منها حزامك والوزار=وأقرشوا بك صوب مثواك الاخير
وانسدحت من الفضا في وسط غار=يطردك منكر وقدامك نكير
واهني اللي مشي طلق الشكار=سالمٍ من ظلم عمر ومن عمير
لوه بالدنيا بحالاتٍ خطار=يرتجي بالأخره فرحة نظير
من رحمه الله وقلبن العذار=رحمة الله تغفر الذنب الكبير
والأثيم من الصراط أقرش وعار=ان سلم من ويل طاح بزمهرير
يا الهي كان مالي اقتدار=ألتجي في رحمتك وأنت المجير
الشباب أقفى وأنا بأخر نهار=وارتجي فزعتك يا نعم النصير
كانت موجهة للعطاوي رد على قصيدة للعطاوي طلب منه العطاوي فيها مرافقته إلى الأمير السديري رحمهم الله جميعاً
إقرأوها حتى نهايتها ففيها من الحكم ما يجعلها من أورع القصايد التي تستاهل أن تكون بماء الذهب
قل لبو نواف كملنا العذار=وانتوينا يا العطاوي بالمسير
كان ابو نايف تحصل له مدار=دوره والادفعنا له بشير
قل لبن عون الوعد تالي النهار=بالمثلث لا تسج ولا تحير
اعتجل يوم الهوى ذعذع ودار=اترك الراضة وعذر فيه مير
كان عندك بالبنا تالي جدار=افهقه والعيد ما فيه اتعمير
يم ابوسلطان عزم الفكر دار=يم غيره لا تقول ولا تشير
خلهن يمشن من ديرة لدار=المواتر صافية والدرب قير
مثل ابو سلطان له حقٍ يزار=جيته بالعيد مظهرها كبير
سجةٍ عنده تزود بالعمار=يدله الخاطر ويرتاح الضمير
في محلٍ قد جلسنا به مرار=صاحبٍ يا عز من هوله عشير
مجلسٍ يوخذ بعين الاعتبار=مدهل الشيخان وزاع العثير
دلةٍ فيها من الحب شي بهار=ومنسفٍ يشبع ضيوفه والقصير
نادرٍ له نطحة الموجب شعار=فاهمٍ بالمرجلة درسٍ غزير
ما لبس ثوب النشاما مستعار=وارثٍ طيبه من الوجه السفير
أحمد اللي له تواريخٍ قرار=بالكرم مع سلة السيف الشطير
أسال التاريخ يعطيك اختيار=عن تواريخ السديري بتعبير
اقر ديوان الخليفه كان دار=شف مقاله عنه بالثلث الاخير
شف مراكيضه على قب المهار=يوم سفك الدم غادي له هدير
كان ابو سلطان هوماته كبار=تابعٍ عودٍ على دربه يسير
والعلوم اطوال واحلاها القصار=زبدة الموضوع واحلاه القصير
ما بنيت الملحمة بني الجدار=كود ناسبها على فعلٍ شهير
كان للمعروف هالوقت اشتهار=السديري مع هل الجودة خشير
ما بنى السمعة على ملس العقار=ما بناها الا على فعلٍ ثمير
انشد اللي سمع بأفعال الكبار=نور الاول يقتبس منه الاخير
يوم وقتي عقب ابو زيد استدار=اجتبرت بجابر العظم الكسير
شمت لي فيه خصلاتٍ خيار=الذكا والدين والعرض الستير
لي بربعتهم معزه وافتخار=ربعة الطيب تنسيك الحقير
أفهم الطيب الخنين من البهار=يوم فاح المسك شميت العبير
قالها اللي له بعرف الناس كار=افهم الشبر الطويل من القصير
الرجال طيور توصف للحرار=وكل طيرٍ في جناحينه يطير
وين طيرٍ يحتري له كل جار=ووين طيرٍ يذعره صوت الصفير
وين طيرٍ لا نهض شق الستار=ووين طيرٍ ما يصيد الا الشرير
لا تقول ان الشجاعة بالطيار=كان فضلنا القطا عن كل طير
النداوي له على الفعل اقتدار=والحمامة بالمحارم تستذير
وان جهلت الزين والجنس الدمار=انشد اللي في معرفتهن خبير
افتهم مني كلامٍ باختصار=فرق بين الصوف من سلك الحرير
فرق بين الحب وانخال الشوار=اصلهن واحد لا شك الذوق غير
ربعة الطيب تزيدك بانتصار=ترفعك رفع العمد بيتٍ نضير
الردي عرفه مثل بيرٍ هيار=تنقبر فيها ويدفنك الحفير
حقة الطيب تجيك من الفقار=والردي يعطيك كرسوع البعير
لا ترابع واحدٍ بالعهد بار=وان وفا مره فهو خيرٍ كثير
التجارب خلها لك مستشار=لا تبي غير التجارب لك شوير
لا تجي مدخل يدينه بالخبار=ما لقى صيده لقى دابٍ ضرير
روس الرجال فهود وأدناها حمار=وأنت فكر بالفهود وبالحمير
وأنت في نفسك عليك الدور دار=لا تحسب انك مخلا يا الفقير
وقر العالم وتلقى لك وقار=وان حقرت احقرت لو انك أمير
والشرف لا يستوي فيه انهيار=الشرف هو مقضب السيف الشطير
والقناعه مرجله والضعف عار=وأطلب النجده من الوالي القدير
لا تجي للناس طلباتك اكثار=كل ديوانٍ تجي يمه مغير
ما خبرنا في هل الشحذه تجار=غير فقره كل نفس له تعير
خل عز النفس للعوره ستار=لو افراشك في طرف بيتك حصير
وأنت للعودة من الله بانتظار=واحدٍ ماله وكيل ولا مدير
مدت الله تمتلي منها النقار=تجعل الغدران بالملزم تحير
تجعل الوادي مريفٍ بالخضار=عقب ما هو يابسٍ قشعه هشير
الكريم معان والفارس مجار=مدي الواجب ونطاح الذخير
والغني بالذل ما فيه اشتهار=والفقر بالعز لأمجادك يثير
منزلٍ بالذل فوق أعلى منار=ينتفضل عنه مسكان الحجير
مرقدك في العز في حزم القرار=ينتفضل بالمعزة عن سرير
الغني بالنفس ما هو بالصرار=كم عنيٍ كن ما عنده ذخير
كم فقيرٍ في ثقيل الحمل ثار=وكم غنيٍ سمعته سمعة فقير
لا تقول فلان يملك له عقار=ليش انا ما ادركت من مثله واصير
واحدٍ معطيه ما هو فيك غار=لا تجي لأحوال خلق الله نظير
عز نفسك لو تبيع من القشار=بيع غرضانك ولا طلبة وزير
ولا تقول الوقت لايحني سطار=ضربةٍ خلت دماغي يستدير
غيرك الدنيا تلوحه بالحجار=لين صار الدم من خده خرير
ضامت الدنيا مدللت البكار=نازلين القفر لو جاهم نذير
وانكشف برقٍ مثل لون الشعار=يذكر الغزاي به عشب وغدير
جلعوا له ما لهم غيره مزار=في جهامٍ كنه الصيد المذير
وان مشوا لك بالسلف والنشر سار=زمة الحيران زاهيها النشير
حاسبينٍ للجهاد وللمغار=والبنادق ما تخبا بالجفير
كان شاط الهوش شيطات العشار=جتك أواليدٍ تعزوا بالفطير
موتةٍ عن قولة الخفرات نار=العذارى ما تعشق اللي ينير
وينهم هالحين مامنهم سمار=ما تشوف الهم ورود ولا صدير
مالت الدنيا عليهم بانكسار=عقب ما يضهد دبشهم كل بير
عقب شرب الدر من سور الحوار=هاجروا بالمدن يشرون العصير
والدبور اللي طبخ قدره وفار=ذوب اللي فيه من حامي السعير
لذة الدنيا مثل لعب القمار=لو جمعة المال شف تال المصير
لو جمعت من الذهب حمل القطار=عند نزع الروح منت بله دبير
صار بين الوارثين بلا مشار=وانعزل حق الكبير من الصغير
وأنت حقك خامةٍ عشرين وار=حقتك هذي ولا فيها خشير
فصلو منها حزامك والوزار=وأقرشوا بك صوب مثواك الاخير
وانسدحت من الفضا في وسط غار=يطردك منكر وقدامك نكير
واهني اللي مشي طلق الشكار=سالمٍ من ظلم عمر ومن عمير
لوه بالدنيا بحالاتٍ خطار=يرتجي بالأخره فرحة نظير
من رحمه الله وقلبن العذار=رحمة الله تغفر الذنب الكبير
والأثيم من الصراط أقرش وعار=ان سلم من ويل طاح بزمهرير
يا الهي كان مالي اقتدار=ألتجي في رحمتك وأنت المجير
الشباب أقفى وأنا بأخر نهار=وارتجي فزعتك يا نعم النصير
