السوالم البحرية

@قصيدة : حكاية رجل مخلوع.* قبل مانقول القصيده عايزين منكم اجابه مفيده *لسؤال مطروح على الشارع وفى ذهنى عمال يتصارع.* هل من حق المخلوع يترد فى خلال اسبـــــوع؟! * ولو اتخلع تلات مرات يعمل أيــــه ياحضرات ؟!* تعالى نحكى ونتصارح لحدوته حصلت لى امبارح.* روحت البيت مجهد تعبان لاقيت الهانم صدرت فرمان.* لافيه لحمه ولاكوارع وانا من الجوع ميت واقع.* قلت لها ياهانم عايز اتغدى قالت مفيش زيت ولازبده.* قلت لها انا مالى ومال الزيت انا سايب مصروف البيت.*قالت ضاع ياخويا ع الكوافير جذمه لحماده وبروكه لسهير.* قلت لها خدى اللى معايا من فلوس وروحى هاتى عيش وغموس.* قالت سيبنى انا مش فاضيه راح ارغى شويه مع شاديه.* زاد الكلام بينا وقل وعلى دماغى انا وقع التل.* قالت اما صحيح راجل مفجوع روح يابعيد وانت مخلوع.* ضربت بايدى على صدرى وقلت هو دا اخرة صبرى.* جات ومعاها الشيخ صالح الخلع خير قوم نتصالح.* وبكلمتين ياخويا بلفتنى ولعصمتها تانى ردتنى.* حسبتهم لقيتهم تلت خلعات شوروا عليا انتو ياستات.* قالت ام راشيل هاتى مخلل وقالت ام حسين دا اسمه محلل.* وانا المحلل اجيبوا منين دا فى الشرع ملوش رجلين.* ورحت ابكى بالدموع هى الخليعه وانا المخـــلوع.@ مع تحيات/ عنتـــر العـــــــايق. لقد ذكرنى الرئيس المخلوع بهذه القصيده التى كتبتها بمناسبة قانون الخلع عام2002 تقريبا مع الفارق طبعا فى التشبيه.
@ يمكنك متابعة القصيده على هذا الرابط:
www.youtube.com/watch