النوايجة

يا سلااااااااااااااا م...
أول القصيدة كفر
ايها المستشار طارق البشري.
ايها الدكتور سليم العوا
ايها المرشد العام على كل المسلمين
قلتم لنا نعم معناها انه هيبقى فيه استقرار وهيتغير الدستور خلال ستة اشهر من انتخابات البرلمان.
الآن ولسه ما استفتحناش دخلنا في سنتين ، سنة على ما تتم انتخابات الشعب والشورى وستة اشهر على ما اللجنة تعد دستور جديد وستة على ما يدرس ونص شهر على ما يستفتى عليه .
امال فين الستة اشهر يا بركه انت وهو.
طيب خلال السنتين دول فين الريس ؟!!!!!!!
يبقى الجيش!!!!!!!!!!!
امال خوفتونا وقلتو نعم علشان الجيش يرجع ثكناته والحياة تمشي ليه؟!!!
طب المادة 189 بتقول ان تغيير الدستور بناء على طلب من رئيس الجمهورية وموافقة مجلس الوزرا - الي معينه برضه رئيس الجمهورية نكته مش كده !!!- وموافقة نصف اعضاء مجلسي الشعب والشورى.
فين رئيس الجمهورية اللي هيتقدم بطلب وضع دستور؟!!!! .
حد يقولي؟!!!!
الله........ انتو نسيتوا اللي كتبتوه ولا ايه يا حجاج.
طيب.
لو اتعدل الدستور واتلغى حاجات كتير زي تعديل شروط الترشيح لرئاسة الجمهورية ونسبة العمال والفلاحين والكوته يطبق من أمته من تاريخ الموافقه عليه طبقا لقاعدة الاثر المباشر للقوانين ، ولا بعد انقضاء الدورة البرلمانية .
اقولك يا حجاج يا بتوع ربنا.
لو من تاريخ الموافقة عليه يبقى انسى ان نصف المجلسين يوافق على التعديل من اصله .
عارف ليه .
لانه مفيش حد اهبل .
اغير علشان امشي الصبح ويتعمل انتخابات جديدة يمكن انجح ويمكن اسقط .
لو بعد انقضاء فترة المجلس .
يبقى انتو نصبتوا علينا .
وربنا هيوديكو النار .
علشان ضحكتو علينا وقلتوا التعديل خلال ستة اشهر .
نقعد خمس سنين او ستة مستنيين الشمس تطلع بالليل .
ياعم المستشار والدكتور والمرشد انتم عملتم ايه في دنيتكم ، احنا شايفينكوا كويسين .
بتختموا حياتكو كدا ليه.
يا عم المستشار انت ابوك كان راجل طيب .
ويا عم الدكتور انت كنت املنا في الضلمة دي.
ويا عم المرشد العام هو انت مرشد للمسلمين ولا على المسلمين.
الظاهر كده دي من علامات الساعة .
واخونا العوا اللي بيقول لو اقتنعت برأي مخالف هاقول لأ للتعديلات .
اقوله اقرأ يا دكتوووووووووووووو... عوا نص المادة 189 ، 189 مكرر.
بالله عليك وانا راضي ضميرك لو دي قضيه وقلت الدفوع دي تفتكر القاضي هيديك اقل من اعدام .
يا اخوانا اتقو ربنا .
مرة تقولوا الجيش حبيبنا وهو اللي نجح الثورة .
وبعدين تقولوا الجيش لو قلنا ( لا ) اكيد هيطمع في الثورة .
انتو شايفينا هبل ياعم الحاج انت وهو وهو .
ولا استغليتوا طيبة الناس الغلابة ابويا وابوك وامي وامك.
فرقتو ايه عن الحزب الوثني .
كل اللي عملتوه انكم اظهرتم الوجه الثاني للعمله .
المادة 189 يا بتاع القانون انت وهو صريحة وواضحة .
1- لرئيس الجمهورية ( يعني جوازي ) رحنا بعيد مين بقى الي هيمسك سيدنا ابو بكر ولا سيدنا عمر . اهو هييجي واحد نكون تحت رحمته نستنى كرمه اذا شاف يغير ولا لأ.
2 - بعد موافقة مجلس الوزراء.
وزراء مين يا عم الحاج هو انت منتخب رئيس مجلس وزراء علشان يتاخد رأيه ده متعين من عند سيده ، بزمتكم انتم الثلاثه فيه حد قال لسيده في التاريخ كله لأ. ولو عرف انه هيقوله لأ كان شغله .
3 - لازم موافقة نصف اعضاء المجلسين .
بذمتكم يا مؤمنين فيه حد يوافق على تعديل بسرعة بسرعة علشان يسيب الجنة اللي هو فيها .
الا اذا كنتم ناويين تجيبوا لنا الصحابة سيدنا ابو بكر و سيدنا عمر وبلال وخالد.
او تجيبوا لنا شوية هبل برياله .
وحتى لو وافقوا تفتكروا امته هيكون بعد ست اشهر زي ما ضحكتوا علينا .
يا أيها البشري
يا أيها العوا .
يا أيها المرشد .
يا كل من غرر بالناس .
والله الذي لا اله غيره لنقفن نحن وانتم امام من لا يغرب عن علمه شئ .
وسيكون احدنا ابيض الوجه والاخر اسوده .
فاتقوا الله اتقوا الله .