زاوية برمشا

ثار الشعب التونسى ثار
قصيده من شعر العاميه المصريه
للشاعر / محمد عبد القوى حسن
عضو اتحاد كتاب مصر
ثار الشعب فى تونس ثار
خلى زين العابدين طار
ثوروا ثورا ياثوار
امحوا الخزى الويل ودمار
قولوا لكل الطاغيين لا
عصركوا راح بكفايه مرار
ثار الشعب التونسى ثار
ثار الشعب ولما يثور
تطرح ارض العرب البور
بعد ماكانت ارضنا ضايعه
صبحت نور وجمال وخضار
ثار الشعب التونسى ثار
***
ثوروا واوعه الثوره تضيع
اوعه ياعربى تسلم تانى
اوعة تساوم واوعه تبيع
ثورة شعب بكل معانى

ثورة كتير والله عاجبانى
حسيت انه رجعلى كيانى
كل العرب اليوم فى افراح
رجعت لينا العزه تانى
والله الثوره كتير عجبانى
*****
دافعوا بكل عزيمه وقوه
اوعه تضيعوا بوسط الهوه
ربنا سبحانه وتعالى
راح ينصركم سبحانه هوه
دافعوا بكل عزيمه وقوه
****
ياتوانسه علوا فى الرايه
لاتهيبوا الطغيان الغاشم
انتوا صبحتوا بجد حكايه
مش هاتخلى الظالم سالم
***
ياللى رعبتوا كل الزيف
هديتوا فى حيطان المنكر
ماراح نقبل بالتخريف
ولادمنا تانى هايتعكر
*****
اشعلتوها ورفعتوها وعلتوها
واحنا معاكم احنا وراكم بنحبوها
هانعلوها الرايه ياغاليه وهانعلوها
واللى خانوها ماحايشوفوها
اللى خانوها هانزلوهم
بالثوره الحره نبيدوهم
لاتبالوهم لاتهابوهم
سيروا بقوه اغلى رجال
بره وجوه بكل نضال
حيوامعانا الشهدا اولادنا
تحيا الارض مع الابطال
ياثوار ياثوار ياثوار
كل شعوب الامه معاكم
كل قلوبنا تحس خطاكم
سيروا سيروا .. ديروا ديروا
والمولى بقوته يرعاكم
المولى بقوته يرعاكم
المولى بقوته يرعاكم
قادر ربى كبير جبار
ثار الشعب فى تونس ثار