"هنعوض خسارة سياحة بلدنا".. على الفيس بوك
"هنعوض خسارة سياحة بلدنا".. على الفيس بوك
محيط ـ هبة رجاء الدين
تحت عنوان "هنعوض خسارة سياحة بلدنا", أنشأ رواد الموقع الإجتماعى الفيس بوك جروب جديد, قالوا فيه: "الهدف من الجروب ده إننا نساعد السياحة اللي إتأثرت بسبب الثورة في مصر, احنا المصريين عاوزين ننزل نخرج في معالم بلدنا السياحية اللي عدد السياح فيها قل".
مضيفيين: "إحنا بنقترح بعض الاماكن في القاهرة اللي ممكن نروحها في أي وقت من غير مانستنا أجازة كبيرة, ياريت كل جمعة أو سبت نختار أي مكان من معلم القاهرة السياحية ونروحها, لو حد عنده أي اقتراحات لأي أماكن تانية يقولنا عليها".
وقد حددوا الاماكن المقترحة في, أهرامات الجيزة وأبو الهول, حيث قالوا: "ممكن تزور متحف مراكب الشمس , تركب خيل أو جمل وتشتري هدايا تذكارية, هرم زوسر في سقارة, ممكن برده تزور أهرامات دهشور".
"القلعة, ممكن تزور مسجد محمد علي ومسجد الناصر محمد, خان الخليلي, ممكن تزور بيت السحيمي, مسجد الحسين وممكن تشرب حاجة في أي قهوة بلدي هناك, بيت الكيريتلية
وعنوانه 4 ميدان ابن طولون مصر القديمة, مسجد الأزهر, القاهرة القبطية مصر القديمة, مسجد ابن طولون في شارع البساتين متفرع من شارع الصليبة, مسجد ومدرسة السلطان حسن في ميدان صلاح الدين, برج القاهرة, الكنيسة المعلقة في شارع ماري جرجس, متحف الفن الإسلامي في شارع بور , ميدان باب الخلق".
تقييم:
0
0
مشاركة:
