قوم يا مصري
لو تقدر توصل كلامك للناس.. حارب من أجل الناس.. من أجل الخير والعدل.. من أجل الحرية.. من أجل عاداتنا.. وتقاليدنا الشرقية.. انصح أبناء شعبك.. وضح لهم صورة كل منافق.. واكشف لهم أعداءهم.. وحارب من أجل الأخلاق.. حرب اليوم حرب التخدير.. غسل عقول وإثارة شهوات.. والمستعمر اتغير شكله.. وأصبح وهو قاعد فى مكانه.. بيسرق مالك من جيبك برضاك.. هو المنتج وأنت السوق.. هو ينتج لك ويروج لك أشياء مالهاش لازمة.. وأنت بتصدق كدبه عليك.. وبتهدر مالك فى كلام فاضى.. واستهلاك زائد عن حاجتك.. اصحى بقى واعرف أعداءك.. بلدك محتاجة لكل قرش.. يساعد فى التعمير.. والإنتاج والتصدير.. بلدك محتاجة منك.. تزرع وتخضر وتصنع.. بلدك محتاجاك واعى وفاهم.. بلدك محتاجة إنك تخاف عليها.. بلدك محتاجة إنك.. تحط إيدك ويا إيديها.
