صوتك أمانة اوعى تتنازل عن حقك
صوتك يا وشاحى امانة فى رقبتك اوعى تتنازل وتتركها لغيرك زمان كان فيه تزوير صناديق وتغيير اصوات وغش فى المستندات واكتر من كده كمان بس ده كان زمان اما الآن فالحال تغير وصوتك يفرق ويغير نتيجة من حال الى حال والحرامية لو تكاثروا وتعاونوا مع بعضهم ينجح الحرامى وانت السبب فى عدم نزولك لما تنازلت عن صوتك والساكت عن الحق شيطان اخرس والعياذ بالله علشان كده لازم تنزل وتشارك وتشجع الغير على النزول والمشاركة فالداعى الى الخير كفاعله وبيقولوا فى الامثال " نواية تسند زير " ياريت علشان مصلحتنا جميعا ننزل ونساند المرشح اللى يستاهل من وجهة نظرك انت مش من وجهة نظر ناس تانية مصلحتها يمكن تكون مش مصلحتك . اسأل عن المرشحين وبرنامجهم الانتخابى ايه والمرجعية بتاعتهم ايه علشان يكون قرارك صح واتمنى للجميع حسن الاختيار ولمصرنا الحبيبة الازدهار والتقدم .
